MLANGO WA TWAHARA-04

Je, Pombe Ni Katika Vitu Najisi?

Wanazuoni wamehitilafiana juu ya hukumu ya pombe katika kauli mbili:

Kauli ya kwanza:

Ni najisi.

Haya ni madhehebu ya karibu Maulamaa wote. Kati yao ni Maimamu wanne, na Shaykh wa Uislamu amelichagua. Na hoja yao ni neno Lake Subhaana:

«Enyi mlioamini! Bila shaka ulevi, kamari, kuabudu masanamu na kupiga ramli, ni uchafu katika kazi ya shetani. Basi jiepusheni navyo ili mpate kufanikiwa».

Wamesema: Uchafu "Rijsu" ni najisi, wakahukumu unajisi wa pombe yenyewe kama ni najisi ya kihisia.

Kauli ya pili:

Ni Twahara.

Kauli hii wameisema akina Rubay'i, Al-Layth, Al-Muzany na watangu wema wengineo. Na imetiliwa nguvu na Ash-Shawkaany, As-Swan'aany, Ahmad Shaakir na Al-Albaaniy (Allah Awarehemu) . Na hii ndio yenye nguvu kwa dalili zifuatazo:

1- Ni kwamba katika aya hakuna dalili juu ya unajisi wa pombe. Na hii ni kwa njia zifuatazo:

(a)    Ni kwamba neno uchafu "rijsu", ni katika maneno ya visawe, kwani linabeba maana nyingi. Kati ya maana hizo ni kitu kichafu, kitu kilichoharamishwa, kitu kibaya, adhabu, laana, ukafiri, shari, dhambi, najisi na kadhalika.

(b) Ni kwamba "sisi hatujakuta" au kugundua kauli ya mwanasalafi yeyote aliyefasiri "Ar-Rijsu" katika aya hii kwa maana ya najisi, bali Ibn 'Abbaas amesema: "Ar-Rijsu" ni hasira". Na Ibn Zayd amesema: "Ar-Rijsu ni shari".

(c) Kwamba neno "rijsu", mbali na aya hii, limekuja katika Kitabu cha Allaah katika pahala patatu, na hakuna pahala popote kati yake ambapo "rijsu" ina maana ya najisi.

Katika neno Lake Subhaana:

«Namna hivi Allaah Anajaalia uchafu (adhabu) juu ya wasioamini»,

neno "Ar-Rijsu", maana yake ni adhabu. Na katika neno Lake Subhaana kuhusu wanafiki:

 Hakika hao ni najisi, na makazi yao ni Jahannam.

Makusudio ni kuwa vitendo vyao ni vichafu, yaani ni vibaya.

Na katika neno Lake Subhaana:

«Basi jiepusheni na uchafu wa masanamu».

Masanamu yameitwa uchafu kwa vile yenyewe ndio sababu ya makamio na adhabu, na wala makusudio sio najisi ya kihisia. Kwani mawe yenyewe na masanamu si najisi

(d) Na ilipotukia pombe katika aya kuwa imeambatana na masanamu na upigaji ramli,hilo limekuwa ni kiashirio chenye kuengua maana ya uchafu kupelekea katika unajisi usio wa kisheria. Na ndivyo hivyo hivyo katika kauli Yake Subhaana:

"Hakika washirikina ni najisi"

zilipokuja dalili sahihi zenye kuhukumia kutokuwa najisi miili ya washirikina.

(e) Kwamba kuharamishwa pombe, hakuwajibishi unajisi wake. Ama najisi, ni lazima iharamishwe, kwani ni haramu kuvaa hariri na dhahabu ingawa vyenyewe ni Twahara ikiwa ni udharura wa kisheria na kwa makubaliano ya wote

(f) Kwamba neno "Ar-Rijsu" katika aya limezungushiwa mpaka (muqayyad) kuwekwa ndani ya (kati ya kazi ya shetani). Kwa hiyo ni uchafu wa kivitendo, kwa maana ya kibaya au kilichoharamishwa au dhambi, na wala si uchafu wa kiini cha kitu wa kuvifanya vitu hivi kuwa ni najisi

2- Na kati ya vinavyotolewa ushahidi juu ya utwahara wa pombe ni aliyoyasema Anas katika kisa cha kuharamishwa pombe. Anasema: "…Na Mtume (Swalla Allahu 'alayhi wa aalihi wa sallam) akamwamrisha mwenye kunadi atangaze: Jueni kwamba pombe imeharamishwa,…". Akasema: "Nikatoka nikaimwaga ikatiririka katika barabara za Madina

3- Na katika kisa cha mtu aliyekuwa na mapipa mawili ya pombe

(…Na Mtume (Swalla Allahu 'alayhi wa aalihi wa sallam) akasema: ((Hakika Allaah Aliyeharamisha kuinywa, Ameharamisha kuiuza))

Na mtu yule akayafungulia mapipa mawili mpaka vikamalizika vilivyomo ndani yake…). Na lau kama pombe ingelikuwa ni najisi, basi Mtume (Swalla Allahu 'alayhi wa aalihi wa sallam) angeliamrisha kumwagia maji juu ya ardhi ili kuitwaharisha kama alivyoamrisha kumwagia maji juu ya mkojo wa bedui, na angeliwaamuru kujikinga nayo pombe.

4- Kwamba asili yake ni Twahara. Na wala hanukuu kuhusu utwahara huo ila kinukuu sahihi. Na hakuna dalili yoyote juu ya unajisi wake na kwa hivyo, inabakia juu ya asili.

Haya utambue basi hata kama sio najisi lakini ni haramu kuinywa.

"Je, Matapishi Ya Mwanaadamu Ni Najisi?"

Tumetangulia kusema mara nyingi kwamba asili ya vitu vyote ni twahara, na kwamba havihamishwi toka kwenye asili yake ila kwa kihamisho sahihi cha kutolea hoja, kisichopingana na kile chenye kutiliwa nguvu au kuwa sawa nacho. Na ikiwa tutalipata hilo, basi ni vizuri. Na kama hatukulipata hilo, itatulazimu tusimame msimamo wa kumpinga anayedai kuwa ni najisi. Kwani kudai huku kuna maanisha kwamba Mwenyezi Mungu (Subhaanahu wa Ta'ala) Amewajibisha kwa waja Wake kuviosha vitu hivyo vinavyodaiwa kuwa ni najisi, na kwamba kuwepo kwake kunazuia kuswali navyo. Basi ni ipi dalili ya hilo?!

Na matapishi na mfano wa vitu kama hivi, hakikuthibiti kwa njia sahihi (ya kuaminika) chenye kuyahamisha toka kwenye utwahara wa asili.

Na imepokelewa kuhusu matapiko kauli ya 'Ammaar akisema: "Hakika utaosha nguo yako iliyoingiwa na mkojo, kinyesi, matapishi, damu na manii".

Lakini kauli hii ni dhaifu haitolewi hoja. Na Allah Ndiye Mjuzi zaidi.

Na imethibiti toka kwa Abu Ad-Dardaai akisema kwamba Mtume (Swalla Allaahu ‘alayhi wa aalihi wa sallam) alitapika, akafungua na akatawadha (Hadiyth sahihi: Imetolewa na Abuu Daawuud (2381), na At-Tirmidhiy (87), Ahmad (6/443) na wengineo)

Katika maelezo haya, hakuna kiashirio chochote juu ya unajisi wa matapishi, na wala hakuna dalili juu ya ulazima wa kutawadha akitapika mtu, na wala hayaonyeshi kuwa wudhuu unatenguka kwayo, bali lengo lake ni kusunisha mtu atawadhe anapotapika. Kwani kwa kitendo tu cha Mtume (Swalla Allaahu ‘alayhi wa aalihi wa sallam), hakuonyeshi kuwa ni wajibu.

Pamoja na hayo, si kila chenye kutengua wudhuu kinahesabiwa kuwa ni najisi. Na Ibnu Hazmi amelielekea hili na akalichagua Shaykh wa Uislamu katika (Al-Fataawaa).

"Nini Hukumu Ya Majimaji (utoko) Yanayotoka Kwenye Utupu Wa Mwanamke Na Kile Kiitwacho Unyevunyevu Wa Utupu Wa Mwanamke?"

Maulamaa wana mielekeo miwili kuhusu unyevunyevu wa utupu wa mwanamke: ( Al-Mughny (2/88), na Al-Majmu'u (1/570))+

WA KWANZA

Ni najisi, kwa vile mtoto haumbwi katika utupu kufananisha na madhii. Wametolea dalili kwa maelezo ya Zayd bin Khaalid kwamba alimuuliza 'Uthmaan bin ‘Affaan (Allaah Amridhie) akisema: "Nieleze, (nini hukumu) mtu anapomwingilia mkewe na wala hakumwaga manii? Akasema 'Uthmaan: "Atatawadha kama anavyotawadha kwa ajili ya Swalah, na ataiosha dhakari yake". 'Uthmaan akasema: "Nimeyasikia toka kwa Mtume wa Mwenyezi Mungu (Swalla Allaahu ‘alayhi wa aalihi wa sallam)….". (Isnad sahihi: Imetolewa na Al-Bukhaariy (292), na Muslim (347), lakini imefutwa (mansuukh))

Na maelezo ya Ubayy bin Ka'ab kwamba yeye alisema: "Ewe Mtume wa Mwenyezi Mungu! Mtu akimwingilia mkewe na wala hakumwaga? Akasema:

(ﻳﻐﺴﻞ ﻣﺎ ﻣﺲ ﺍﻟﻤﺮﺃﺓ ﻣﻨﻪ ﺛﻢ ﻳﺘﻮﺿﺄ ﻭﻳﺼﻠﻲ)

((Ataiosha sehemu aliyomgusa nayo mwanamke, kisha atatawadha, na ataswali)) (Isnad sahihi: Imetolewa na Al-Bukhaariy (293), na Muslim (346), nayo imefutwa (mansuukh))

Wamesema: Mtume (Swalla Allaahu ‘alayhi wa aalihi wa sallam) kuamrisha kuiosha sehemu iliyogusana na utupu wa mwanamke ni dalili juu ya unajisi wa unyevu wa utupu wa mwanamke.

Mimi ninapinga (Abuu Maalik) nikisema kwamba Hadiyth hizo mbili zimefutwa (Angalia kwenye "Fathul Baary" (1/473))

na Hadiyth nyingine zenye kuamrisha kuoga kama itakavyokuja katika sehemu yake inshaAllaah.

Na pia kuna uwezekano wa kuwa amri ya kuosha ni kutokana na madhii yanayomtoka mwanamume au mwanamke.

Vile vile wametolea ushahidi juu ya unajisi wa (majimaji hayo) kwa kuwa kwake yanatoka katika moja ya njia mbili. Na kanuni inasema:

"Chenye kutoka katika njia mbili, basi ni najisi isipokuwa manii".

WA PILI

Kwamba majimaji ya utupu ni twahara (Angalia kwenye "Jaami'i Ahkaamu An-Nasaaiy" (1/68) cha Shaykh wetu Mustwafa bin Al-'Adawy Allah Amhifadhi)

Mwelekeo huu unatolewa dalili kwa yafuatayo:

1- Kwamba 'Aaishah - Allaah Amridhie,- alikuwa akiyakwangua manii kutoka katika nguo ya Mtume (Swalla Allaahu ‘alayhi wa aalihi wa sallam) yakiwa yametokana na kukutana kimwili, kwani Mtume kamwe hakuota

 (Hivi ndivyo alivyosema katika "Al-Mughny" (2/88). Na Shaykh wetu amesema: "Hili linahitajia matini toka katika Qur-aan au Hadiyth, na wala hatukuikuta matini katika mfano wa hili")

 na ilhali yeye anakutana na umajimaji wa utupu. Na kwa vile sisi, lau kama tungelihukumia unajisi wa utupu wa mwanamke, basi tungelihukumu unajisi wa manii yake. Kwani manii hayo yanatokea kwenye utupu wake, na kwa hivyo yananajisika kwa unyevunyevu wake.

2- Kwamba majimaji haya ni jambo ambalo liko wazi, nayo huwatoka sana wanawake. Na hakuna shaka kwamba jambo hili lilikuwepo kwa wanawake katika enzi za Mtume (Swalla Allaahu ‘alayhi wa aalihi wa sallam) kama ilivyo kwa wanawake wa zama zetu hizi. Na wala haikupokelewa kwamba Mtume (Swalla Allaahu ‘alayhi wa aalihi wa sallam) aliwaamrisha kuoga (kuosha) au kutawadha kutokana na hali hiyo.

3- Kwamba kauli ya Maulamaa isemayo "Kila chenye kutoka kwenye njia mbili ni najisi isipokuwa manii", basi hii si kauli iliyopokelewa toka kwa Aliyehifadhiwa Mtume (Swalla Allaahu ‘alayhi wa aalihi wa sallam), na wala kauli hii haijafanyiwa ijmaa ya Ummah.Bali imepokelewa kwamba baadhi ya vinavyotoka toka kwenye njia mbili havitengui wudhuu, kama vile damu ya istihaadha kama itakavyokuja katika mahala pake inshaAllah.

Ninasema (Abuu Maalik): Ninaloliona mimi ambalo lina nguvu, ni kwa ufafanuzi huu:

"Ikiwa majimaji haya yanamtoka mwanamke wakati wa kuchezeana na mumewe, au wakati ana hamu ya kujamiiana na mfano wa hili hasa, basi hayo ni madhii. Na mimi nimejua kwamba madhii ni najisi ambayo ni lazima ioshwe, na ni yenye kutengua wudhuu.

Ama ikiwa majimaji haya yanatoka kwenye utupu wa mwanamke takriban nyakati zote, na yanazidi wakati wa ujauzito, au wakati anapofanya kazi kwa bidii, au anapotembea mwendo mrefu, basi majimaji hayo ni twahara kiasili kwa kutokuwepo dalili juu ya unajisi wake. Na Allah Ndiye Mjuzi zaidi

"Najisi Zinazosamehewa"

Kuna kauli mbalimbali za Maulamaa kuhusu aina na kiasi cha najisi ambayo inaweza kuingia katika nguo au mahala au mwilini na inakuwa ni yenye kusamehewa.

("Al-Fiqhu Al-Islaamy wa Adillatuhu" (169-177))

Isipokuwa kidhibiti cha najisi zinazosamehewa ni (kuwepo) udharura, kuenea kwa wingi pamoja na kuwa ni vigumu kujikinga nayo, na kuwepo tabu na uzito mkubwa katika kuiondosha.

 <<Namna Ya Kuzitwaharisha Aina Mbalimbali Za Najisi Ambazo Matini Imekuja Kuzibainisha>>

1- Kuitwaharisha nguo kutokana na damu ya hedhi

Inakuwa ni kwa kuikwangua na kuigandua, kisha kuisugua kwa ncha za vidole iachiane na itoke, kisha ataiosha kwa maji. Ni kutokana na maelezo ya Asmaa binti Abu Bakr, amesema: "Mwanamke mmoja alikuja kwa Mtume (Swalla Allaahu ‘alayhi wa aalihi wa sallam) akasema: Ewe Mtume wa Mwenyezi Mungu! Mmoja wetu nguo yake ikiingiwa na damu ya hedhi, afanyaje"? Akasema Mtume (Swalla Allaahu ‘alayhi wa aalihi wa sallam):

ﺗﺤﺘﻪ, ﺛﻢ ﺗﻘﺮﺻﻪ ﺑﺎﻟﻤﺎﺀ ﺛﻢ ﺗﻨﻀﺤﻪ, ﺛﻢ ﺗﺼﻠﻲ ﻓﻴﻪ)

((Ataipikicha, kisha ataikwangua kwa ncha za vidole na maji, kisha atainyunyizia maji, na kisha atasali nayo)) (Hadiyth sahihi: Ameitoa Al-Bukhaariy, na Muslim (291))

Na kwa maelezo ya 'Aaishah, amesema: " Mmoja wetu alikuwa akipatwa na hedhi, kisha huikwangua damu toka kwenye nguo yake wakati anapotwaharika, kisha huiosha, na hunyunyizia maji sehemu iliyobaki, kisha huswali nayo". (Hadiyth sahihi: Imetolewa na Al-Bukhaariy (308), na Ibnu Maajah (630))

Na kama mwanamke atataka kutumia kijiti au kinginecho ili aondoshee damu, au aioshe nguo kwa maji na sabuni na mfano wake katika madawa ya kusafishia, basi itakuwa ni vizuri zaidi.

Hii ni kwa maelezo ya Ummu Qays binti Muhaswan, amesema: "Nilimuuliza Mtume (Swalla Allaahu ‘alayhi wa aalihi wa sallam) kuhusu damu ya hedhi iliyoingia kwenye nguo. Akasema:

((ﺣﻜﻴﻪ ﺑﻀﻠﻊ، ﻭﺍﻏﺴﻠﻴﻪ ﺑﻤﺎﺀ ﻭﺳﺪﺭ))

((Ikwangue kwa ujiti, na uioshe kwa maji na mkunazi)).

 (Hadiyth hasan: Imetolewa na Abuu Daawuud (363), na An-Nasaaiy (1/195), na Ibnu Maajah (268))

2- Kuitwaharisha nguo kutokana na mkojo wa mtoto mchanga

Mtume (Swalla Allaahu ‘alayhi wa aalihi wa sallam) amesema:

((ﻳﻐﺴﻞ ﻣﻦ ﺑﻮﻝ ﺍﻟﺠﺎﺭﻳﺔ, ﻭﻳﺮﺵ ﻣﻦ ﺑﻮﻝ ﺍﻟﻐﻼ‌ﻡ))

((Huoshwa ikiingia mkojo wa mtoto wa kike, na hurashiwa maji ikiingia mkojo wa mtoto wa kiume)). (Hadiyth sahihi kwa nyingineyo: Imetolewa na Abuu Daawuud (376), na An-Nasaaiy (1/158), na Ibnu Maajah (526))

3- Kuitwaharisha nguo kutokana na madhii

Na kwa vile madhii ni kitu kinachokithiri kutoka na kuenea kwa wengi, kuyatwaharisha kumefanywa ni kwepesi na Mwekaji sheria. Kwa hiyo, inatosha kuinyunyizia nguo maji sehemu iliyoingia madhii. Kwa Hadiyth ya Sahl bin Hunayf kwamba yeye alikuwa akipata tabu na uzito kutokana na madhii. Akamwambia Mtume (Swalla Allaahu ‘alayhi wa aalihi wa sallam): "Ni vipi kwa yale yanayoingia katika nguo yangu? Akasema:

((ﻳﻜﻔﻴﻚ ﺃﻥ ﺗﺄﺧﺬ ﻛﻔﺎ ﻣﻦ ﻣﺎﺀ ﻓﺘﻨﻀﺢ ﺑﻪ ﺛﻮﺑﻚ ﺣﻴﺚ ﺗﺮﻯ ﺃﻧﻪ ﻗﺪ ﺃﺻﺎﺏ ﻣﻨﻪ))

((Inakutosha kuchukua teko la maji, ukanyunyizia kwalo nguo yako pale unapoona yameingia)).

 (Hadiyth hasan: Imetolewa na Abuu Daawuud (383), na At-Tirmidhiy (143), na Ibnu Maajah (531))

4- Kuitwaharisha sehemu ya nguo ya mwanamke inayoburuzika

Inaponajisika sehemu ya nguo ya mwanamke inayoburuzika, basi hutwaharika kwa kugusana na ardhi iliyo twahara. Mwanamke mmoja alimuuliza mke wa Mtume (Swalla Allaahu ‘alayhi wa aalihi wa sallam) Ummu Salamah akimwambia: "Hakika mimi ni mwanamke ninayerefusha ncha za nguo yangu na ninatembea sehemu chafu". Ummu Salamah akamwambia: Mtume (Swalla Allaahu ‘alayhi wa aalihi wa sallam) amesema:

((ﻳﻄﻬﺮﻩ ﻣﺎ ﺑﻌﺪﻩ))

((Huitwaharisha (ardhi) iliyo baada yake)). (Hadiyth sahihi: Imetolewa na Abuu Daawuud (383), na At-Tirmidhiy (143), na Ibnu Maajah (531))

5- Kuitwaharisha soli ya viatu

Imepokelewa na Abuu Sa’iyd Allaah Amridhie kwamba Mtume (Swalla Allaahu ‘alayhi wa aalihi wa sallam) amesema:

((ﺍﺫﺍ ﺟﺎﺀ ﺃﺣﺪﻛﻢ ﺍﻟﻤﺴﺠﺪ ﻓﻠﻴﻘﻠﺐ ﻧﻌﻠﻴﻪ ﻭﻟﻴﻨﻈﺮﻓﻴﻬﻤﺎ, ﻓﺎﻥ ﺭﺃﻯ ﺧﺒﺜﺎ ﻓﻠﻴﻤﺴﺤﻪ ﺑﺎﻷ‌ﺭﺽ, ﺛﻢ ﻟﻴﺼﻞ ﺑﻬﻤﺎ))

((Anapokuja mmoja wenu msikitini, basi avigeuze viatu vyake na aangalie vina nini. Ikiwa ataona najisi, basi aipanguse kwa ardhi, kisha aswali navyo))

 (Hadiyth sahihi: Imetolewa na Abuu Daawuud (646))

6- Kukitwaharisha chombo mbwa anapokilamba

Imepokelewa toka kwa Abuu Hurayrah kwamba Mtume (Swalla Allaahu ‘alayhi wa aalihi wa sallam) amesema:

((ﻃﻬﻮﺭ ﺍﻧﺎﺀ ﺃﺣﺪﻛﻢ ﺍﺫﺍ ﻭﻟﻎ ﻓﻴﻪ ﺍﻟﻜﻠﺐ ﺃﻥ ﻳﻐﺴﻠﻪ ﺳﺒﻊ ﻣﺮﺍﺕ ﺃﻭﻻ‌ﻫﻦ ﺑﺎﻟﺘﺮﺍﺏ))

((Kukitwaharisha chombo cha mmoja wenu anapokilamba mbwa ni kukiosha mara saba, moja kati ya hizo kwa mchanga)) (Hadiyth sahihi: Imetolewa na Muslim (279), na Abuu Daawuud (71))

7- Kuitwaharisha ngozi ya nyamafu

Ni kwa kuitia rangi. Kwa neno lake Mtume (Swalla Allaahu ‘alayhi wa aalihi wa sallam):

((ﺍﺫﺍ ﺩﺑﻎ ﺍﻻ‌ﻫﺎﺏ ﻓﻘﺪ ﻃﻬﺮ)

((Inapotiwa rangi ngozi ya nyamafu, basi imetwaharika)) (Hadiyth sahihi: Imetolewa na Muslim na mwingine)

8- Kuitwaharisha ardhi iliyoingia mkojo na mfano wake

Inakuwa ni kwa kumiminia (maji) juu yake. Kama alivyomrisha Mtume (Swalla Allaahu ‘alayhi wa aalihi wa sallam) kumwagia maji juu ya mkojo wa bedui msikitini

 (Hadiyth sahihi: Imetolewa na Al-Bukhaariy (219), na Muslim (284))

 Bila shaka aliamuru hilo kwa ajili ya kuharakia usafi. Na kama si hivyo, lau kama angeliacha mpaka ukakauka na athari ya najisi ikaondoka, basi (ardhi) ingetwaharika.

9- Kukitwaharisha kisima au samli inapoingia ndani yake najis

Inakuwa ni kwa kuichota na kuiondosha najisi na sehemu za pambizoni mwake, na iliyosalia inabakia twahara. Ni kwa Hadiyth ya Ibnu ‘Abbaas kwamba Mtume (Swalla Allaahu ‘alayhi wa aalihi wa sallam) aliulizwa kuhusu panya aliyeangukia katika samli akasema:

((ﺃﻟﻘﻮﻫﺎ, ﻭﻣﺎ ﺣﻮﻟﻬﺎ ﻓﺎﻃﺮﺣﻮﻩ, ﻭﻛﻠﻮﺍ ﺳﻤﻨﻜﻢ))

((Mtupeni, na sehemu za pambizoni mwake ziondosheni, na samli yenu kuleni))

 (Hadiyth sahihi: Imetolewa na Al-Bukhaariy (Vichinjwa – Mlango wa 34))

Hivi Ndio Namna Ya kutwaharisha Najisi

Je, Ni Lazima (kutumia) Maji Katika Kuondosha Najisi? Au Inajuzu Kuondosha Kwa Vimiminika Vinginevyo Au Mada Nyinginezo?

Maulamaa wamehitalifiana katika suala hili juu ya kauli mbili mashuhuri:

KAULI YA KWANZA

Ni sharti kutumia maji kwa ajili ya kuondosha najisi, na wala haisihi kwa kinginecho ila kwa dalili.

Na hili ndilo mashuhuri katika madhehebu ya Maalik na Ahmad. Na pia ni madhehebu ya Ash-Shaafi'iy katika "Al-Jadyd" (rai mpya). Ash-Shawkaany na waliomfuata, _ ("Bidaayatul Mujtahid" (1/99), na "Al-Ummu" (1/49), na "As-Saylu Al-Jarraar" (1/49)) ameliunga mkono hili. Na hoja yao ni:

1- Neno Lake Ta'aala

((ﻭَﻳُﻨَﺰِّﻝُ ﻋَﻠَﻴْﻜُﻢ ﻣِّﻦ ﺍﻟﺴَّﻤَﺎﺀ ﻣَﺎﺀ ﻟِّﻴُﻄَﻬِّﺮَﻛُﻢ ﺑِﻪِ))

«Na Anawateremshieni maji toka mbinguni ili Awatwaharisheni kwayo » (Surat Al-Anfaal-Aya ya 11)

2- Mtume (Swalla Allaahu ‘alayhi wa aalihi wa sallam) aliamuru kumwagia maji juu ya mkojo wa bedui (Imekubaliwa na wote. Na imetangulia hivi punde)

Wamesema kwamba amri ni ya ulazima, na kwa hivyo haitoshelezi katika kuondosha najisi isipokuwa kwa maji!!

3- Mtume (Swalla Allaahu ‘alayhi wa aalihi wa sallam), kama ilivyo katika Hadiyth ya Abuu Tha'alabah, aliamuru kukiosha chombo cha Ahlul-Kitaab kwa maji (Imekubaliwa na wote. Imetolewa na Al-Bukhaariy (5170), na Muslim (1930))

4- Amesema Ash-Shawkaany: "Maji ndio asili katika kutwaharisha najisi kwa kuelezewa kwake na Mwekaji sheria kuwa ni twahara yenyewe yenye kutwaharisha kinginecho. Basi hayaachwi kikatumika kingine ila kama litathibiti hilo toka kwa Mwekaji sheria. Na kama si hivyo, basi haiwezekani. Kwani hiyo ni kuachana na kinachojulikana kwamba maji ni twahara kwenda kwenye kisichojulikana kuwa ni twahara. Na hiyo ni kutoka nje ya vile mikondo ya kisheria inavyokwenda…".

KAULI YA PILI

Inatosheleza kujitwaharisha kwa kila chenye kuondosha najisi, na si lazima maji.

Na haya ndio madhehebu ya Abuu Haniyfah, na riwaya nyingine toka kwa Maalik na Ahmad, na kauli ya zamani ya Ash-Shaafi'iy, na Ibnu Hazm. Nalo ndilo chaguo la Shaykh wa Uislamu Ibnu Taymiyah, na pia Mwanachuoni Mkubwa Ibnu 'Uthaymiyn ("Al-Badaai'i (1/83), na "Fathul Qadyr" (1/200), na "Majmu'u Al-Fataawaa" (21/475), na "Al-Muhallaa" (1/92-94), na "Ash-Sharhu Al-Mumti'i"(1/361-363))

 Ni kauli yenye nguvu kwa yafuatayo:

1- Kwamba maji kuwa ni twahara yenyewe na yenye kutwaharisha kingine, hakuzuii kingine kuwa ni chenye kutwaharisha vilevile. Kwani kanuni inasema: "Kukosekana sababu maalumu, hakuhukumii kuondoka kisababisho maalumu, sawasawa ikawa dalili au sio dalili". Kwa vile chenye kuathiri kinaweza kuwa ni kitu kingine. Na hii ndio hali halisi kwa upande wa najisi (Ash-Sharhu Al-Mumti'i (1/362))

Ninasema (Abuu Maalik): "Bali baadhi ya vimiminika kama vile siki na madawa ya kusafishia ya viwandani, huondosha najisi kama maji au zaidi kuliko maji".

2- Kwamba Mwekaji sheria Ameamuru kuondosha najisi kwa maji katika masuala maalumu, na wala Hakuamuru amri jumuishi kwamba kila najisi iondoshwe kwa maji.

3- Kwamba sheria imeruhusu kuondosha baadhi ya najisi bila maji kama kustanji kwa jiwe, au kuvisugua viatu kwa mchanga, au kutwaharika nguo inayoburuzika kwa (kugusana na) ardhi, na mengineyo yaliyotangulia.

4- Kwamba kuondosha najisi si katika mlango wa kilichoamriwa, bali ni katika mlango wa kujiepusha na kilichokatazwa. Na ikitokea (ikaondoshwa) kwa sababu yoyote ile, hukumu itathibiti. Na kwa ajili hiyo, nia haishurutishwi katika kuondosha najisi. Lakini kama itaondoka kwa kitendo cha mtu aliyenuia, basi atalipwa thawabu kwa hilo. Na kama si hivyo, kama itaondoshwa bila kitendo chake wala nia yake, madhara yataondoka, na wala hatokuwa na thawabu wala hatokuwa na madhambi.

Na hili linatiliwa nguvu na kwamba pombe inapobadilika na kuwa siki, basi inakuwa imetwaharika – kwa wale wanaosema kuwa pombe ni najisi – kwa makubaliano ya Waislamu.

Ninasema (Abuu Maalik): "Lenye nguvu ni kuwa najisi inapoondoka kwa kitu chochote, hukumu yake inaondoka na inakuwa ni twahara".

HAPA KUNA FAIDA KADHAA

1- Faida ya suala hili ni kuwa mtu ambaye kwenye nguo yake au katika mwili wake kuna najisi, na akatumia chochote katika madawa twahara ya kusafishia – yasiyo maji – ili kuondosha najisi hiyo, basi hilo humtosheleza na wala si lazima aoshe kwa maji.

2- Haijuzu kutumia vyakula au vinywaji katika kuondoshea najisi bila dharura, kwani huo ni uharibifu wamali ("Majmu'u Al-Fataawaa" (21/475))

3- Kwamba utwaharishaji bila maji kwa (kutumia) vimiminika vingine au mada nyinginezo, bila shaka hufanyika katika (kiini cha) najisi yenyewe inayokuwepo katika nguo au mwili au mahala. Ama utwaharishaji wa kihukumu (twahara ya hadathi)kama vile wudhuu, kuoga na mfano wake, haitotosheleza isipokuwa kwa maji.

Na Allaah Anajua Zaidi

Tunaendelea Na Somo Letu La Fiqhi

 "Je, Damu Inazingatiwa Kuwa Ni Katika Najisi?"

Damu ina vigawanyo:

1- DAMU YA HEDHI:

Damu hii ni najisi kwa makubaliano ya Maulamaa. Dalili ya unajisi wake tumekwisha isoma nyuma.

2- DAMU YA MWANADAMU

 (Tafsiri ya Al-Qurtuby (2/ 221), Al-Majmuu (2/511), Al-Muhalla (1/102), Al-Kaafy (1/110), Bidaayatul Mujtahid, As-Saylul Jarraar (1/31), Ash-Sharhul Mumti'i (1/376), As-Silsilatu Asw-Swahiyhah na Tamaamu Al-Minnah (uk.50))

Ni damu iliyosababisha mahitalifiano juu ya hukumu yake. Lililo mashuhuri kwa watu wa madhehebu ya kifiqhi ni kwamba damu ni najisi, lakini wao hawana hoja. Isipokuwa damu imeharamishwa kwa matini ya Qur-aan katika neno Lake Aliyetukuka:

((ﻗُﻞ ﻻ‌َّ ﺃَﺟِﺪُ ﻓِﻲ ﻣَﺎ ﺃُﻭْﺣِﻲَ ﺇِﻟَﻲَّ ﻣُﺤَﺮَّﻣًﺎ ﻋَﻠَﻰ ﻃَﺎﻋِﻢٍ ﻳَﻄْﻌَﻤُﻪُ ﺇِﻻ‌َّ ﺃَﻥ ﻳَﻜُﻮﻥَ ﻣَﻴْﺘَﺔً ﺃَﻭْ ﺩَﻣًﺎ ﻣَّﺴْﻔُﻮﺣًﺎ ﺃَﻭْ ﻟَﺤْﻢَ ﺧِﻨﺰِﻳﺮٍ ﻓَﺈِﻧَّﻪُ ﺭِﺟْﺲٌ ))

« Sema: Sioni katika yale niliyofunuliwa mimi kitu kilichoharamishwa kwa mlaji kukila isipokuwa kiwe ni nyamafu, au damu inayomwagika, au nyama ya nguruwe, kwani hiyo ni uchafu» (Surat Al-An ‘aam: 145)

Kwa hiyo, wao wamewajibisha unajisi wake kutokana na kuharamishwa kwake,kama walivyofanya katika pombe, na wala hayafichikani yaliyomo ndani yake. Lakini amenukuu zaidi ya Mwa- nachuoni mmoja katika Maulamaa kuwa wanakubaliana wote (ijmaa) juu ya unajisi wake. Maelezo zaidi yatakuja katika hilo.

Ni wakati ambapo kundi la waliokuja baadaye akiwemo Ash-Shawkaany, Siddiyq Khaan, Al-Albaaniy, Ibnu ‛Uthaymiyn (Allaah Awarehemu) wameelekea kusema kuwa damu ni twahara kwa kutothibiti ijmaa kwa upande wao. Wao wametoa dalili vilevile kwa haya yafuatayo:

1-      Asili ya vitu ni twahara mpaka iwepo dalili kuwa ni najisi. Na sisi "hatujui" kwamba Mtume (Swalla Allaahu ‘alayhi wa aalihi wa sallam) aliamuru kuosha damu nyingine isiyo ya hedhi ingawa mtu hupatwa mara nyingi na majeraha na mfano wake. Na lau kama damu ni najisi, basi Mtume (Swalla Allaahu ‘alayhi wa aalihi wa sallam) angelibainisha, kwa sababu hali ya mambo inahitajia hilo.

2-      2- Ni kwamba Waislamu bado wanaswali wakiwa na majeraha yao, na wanaweza kuchuruzikwa na damu nyingi ambayo si ya kusamehewa. Na wala haikupokelewa toka kwa Mtume (Swalla Allaahu ‘alayhi wa aalihi wa sallam) kwamba aliamuru kuiosha, na wala haikupokelewa kwamba wao walikuwa wakijilinda nayo kwa hadhari kubwa.

3-      - Amesema Al-Hasan: "Waislamu bado wanaswali wakiwa na majeraha yao".

4-       (Isnadi yake ni sahihi. Imepokelewa na Al-Bukhaariy ikiwa "muallaq" (1/336). Na Ibnu Abu Shaybah ameiunganisha kwa sanad sahihi kamailivyo katika Al-Fath (1/337))

5-       

6-       

7-      Na katika kisa cha Swahaba Muanswaar aliyekuwa amesimama usiku akiswali. Mshirikina alimpiga mshale, akauweka, kisha akaunyofoa, mpaka akampiga mishale mitatu. Kisha alirukuu, akasujudu na akaendelea na Swalah yake na huku akivuja damu.

8-       ( Hadiyth Sahihi: Al-Bukhaariy ameifanya "mu’allaq" (1/336), na Ahmad na wengineo wameiunganisha, nayo ni sahihi)

9-       

10-  - Al-Albaaniy(Allaah Amrehemu)

11-   (Tamaam Al-Minnah (51,52))

12-  amesema: "Nayo iko katika hukumu ya Hadiyth Marfuu, kwa vile kwa kawaida haiyumkiniki kwamba Mtume (Swalla Allaahu ‘alayhi wa aalihi wa sallam) asilijue hilo. Na lau kama damu nyingi ingelikuwa ni yenye kuvunja (kubatilisha Swalah), basi Mtume (Swalla Allaahu ‘alayhi wa aalihi wa sallam) angelibainisha, kwani kuchelewesha kubainisha (jambo) wakati ule wa kuhitajika, haifai kama inavyojulikana katika taaluma ya "usuul". Na kama tutachukulia kwamba hilo lilifichikana kwa Mtume (Swalla Allaahu ‘alayhi wa aalihi wa sallam), basi halifichikani kwa Mwenyezi Mungu Ambaye hakifichikani Kwake chenye kujificha sawasawa ardhini au mbinguni. Na lau kama (damu) ingelikuwa ni yenye kubatilisha au ni najisi, basi lingefunuliwa hilo kwa Mtume kama ilivyo wazi, haifichikani kwa yeyote…..".

13-   

14-  - Na katika kisa cha kuuawa ‘Umar bin Al-Khatw-twaab (Allaah Amridhie): "Umar aliswali, na huku jeraha lake linachuruzisha damu". (Hadiyth Sahihi: Imetolewa na Maalik (82), na amepokea toka kwake Al-Bayhaqiy (1/357) na wengineo kwa sanad sahihi)

15-   

16-   

17-  3- Ni kwa Hadiyth ya 'Aaishah katika kisa cha kufa kwa Sa'ad bin Mu’adh. Alisema: "Wakati Sa'ad bin Mu’adh alipojeruhiwa siku ya Khandaq, mtu mmoja alimpiga mshale wa kwenye mshipa wa damu mkononi. Mtume alimpigia hema msikitini ili amtazame kwa karibu. Na akiwa katika hali hiyo, usiku mmoja ghafla jeraha lake lilipasuka na damu ikachuruzika toka katika kidonda chake. Wakasema: Enyi watu wa nyumba! Nini hiki kinatujia toka kwenu? Wakatazama. Na kumbe Sa'ad jeraha lake limepasukana damu ikifoka, akafariki

18-   (Hadiyth Sahihi: Imetolewa na Abuu Daawuud (3100) kwa ufupi, na At-Twabaraaniy katika (Al-Kabiyr) (6/7))

19-   

20-   

21-  Kauli ya Mwandishi Wa Fiqhi:

22-   

23-  Ninasema (Abuu Maalik): "Na wala haikupokelewa kwamba Mtume (Swalla Allaahu ‘alayhi wa aalihi wa sallam) aliamuru maji yamwagiwe juu yake na hasa kwa vile yuko msikitini kama alivyoamuru kumwagia maji juu ya mkojo wa bedui.

24-  4- Kwamba Ibnu Rushdi wakati alipotaja hitilafu za Maulamaa kwa upande wa damu ya samaki, alieleza kwamba sababu ya kuhitalifiana kwao, ni kuhitilafiana kwao katika maiti yake. Basi mwenye kuifanya maiti yake inaingia chini ya ujumuishi wa kuharamishwa, ataifanya damu yake hivyo hivyo. Na mwenye kuitoa maiti yake, ataitoa damu yake kwa kupimia maiti yake.

25-  Na tunasema: "Wao wanasema kuwa maiti ya mwanadamu ni twahara, na kwa hivyo damu yake vilevile (ni twahara) kwa mujibu wa kanuni yao".

26-  Na kwa ajili hiyo, Ibnu Rushdi alisema baada yake: "Na matini bila shaka imeonyesha juu ya unajisi wa damu ya hedhi, na isiyokuwa hiyo, basi iko katika uasili uliokubaliwa na wenye kuzozana, nayo ni twahara. Na haitoki humo ila kwa matini ya kusimamishia hoja…".

27-   

28-  Na ikiwa itasemwa: "Je, haipimiwi kwa damu ya hedhi, na damu ya hedhi ni najisi?

29-  Tunasema: "Hiki ni kipimo pamoja na tofauti:

30-  - Kwani damu ya hedhi ni damu ya maumbile ya asili kwa wanawake. Mtume (Swalla Allaahu ‘alayhi wa aalihi wa sallam) amesema:

31-   

32-           ((ﺍﻥ ﻫﺬﺍ ﺷﻴﺊ ﻛﺘﺒﻪ ﺍﻟﻠﻪ ﻋﻠﻰ ﺑﻨﺎﺕ ﺁﺩﻡ))

33-   

34-  ((Hakika hiki ni kitu ambacho Mwenyezi Mungu Amekiweka kwa mabinti wa Aadam (wanawake))

35-   (Hadiyth Sahihi: Al-Bukhaariy (294), na Muslim (1211))

36-   

37-   Na akasema katika istihaadha:

38-   

39-      ((ﺍﻧﻪ ﺩﻡ ﻋﺮﻕ))

40-   

41-  ((Hakika hiyo ni damu ya mshipa (asili)) (Hadiyth Sahihi: Al-Bukhaariy (327), na Muslim (333))

42-  Kisha hakika damu ya hedhi ni damu nzito iliyovunda na yenye harufu mbaya. Imefanana na mkojo na kinyesi, si damu yenye kutoka katika zisizo njia mbili